Ет, сүт, ұн өнімдері: Астанада азық-түлікті арзан бағада қайдан алса болады?
<p><strong>Елордада 27-28 маусым күндері кезекті ауыл шаруашылығы жәрмеңкесі өтеді. Әр өңірден келетін фермерлер мен өндірушілердің өнімдері ұсынылады, деп хабарлайды <a href="/" target="_blank" rel="noopener noreferrer">Egemen.kz.</a></strong></p>
Қала тұрғындары мен қонақтары көкөніс, жеміс-жидек, ет, ұн және сүт өнімдерін, нан-тоқаш, табиғи шырындар, тосап, джем және басқа да тағамдарды тиімді бағамен сатып ала алады.
Елорда әкімдігінің мәліметінше, іс-шара 27 және 28 маусым күндері сағат 10:00-ден 19:00-ге дейін Алаш тасжолы, 35Б мекенжайындағы «Keryen Joly» сауда орталығында өтеді.
«Келушілердің ыңғайы үшін жәрмеңке өтетін орынға №7, 11, 39, 41, 45, 53, 59, 81, 307, 317 автобус маршруттары қатынайды», делінген хабарламада.
Бұған дейін хабарлағандай, Алматыда аптап ыстыққа байланысты жәрмеңкелерде ет сатуға шектеу қойылады.