Көкпардағы қайғылы жағдайдан кейін федерацияның қызметі бір ай мерзімге тоқтатылды

<p><strong>Мамыр айында Ақмола облысының Қошқарбаев ауылында болған көкпар кезінде 14 жастағы бала қайтыс болған еді. Сол уақыттан бері облыстық полиция департаменті тексеру жүргізіп келе жатыр, деп хабарлайды <a href="/" target="_blank" rel="noopener noreferrer">Egemen.kz</a></strong></p>

«Жаппай көкпар» федерациясы спорттық іс-шараны Нәрікбаев атындағы ҚАЗГЗУ университетінің жер учаскесінде жергілікті уәкілетті органдардың келісімінсіз өткізген.

Туризм және спорт министрлігінің Спорт және дене шынықтыру комитетінің 15 маусымдағы бұйрығына сәйкес, федерацияның аккредитация куәлігі бір ай мерзімге тоқтатылған. Бұл жөнінде Премьер-министрдің орынбасары – Мәдениет және ақпарат министрі Аида Балаева Мәжіліс депутаттарына берген жауабында мәлімдеді. Оқиғадан кейін Ақмола облысының дене шынықтыру және спорт басқармасына өңірдегі жаппай көкпарды қатаң бақылауға алу тапсырылған.

Ақмола облысында көкпар кезінде жасөспірім қаза тапты

«Жаппай көкпар» ойыны ел аумағында ресми спорт түрі ретінде танылып, мемлекеттік спорт түрлерінің тізіліміне енгізілді. Өңірлерде көкпар спортынан өткізілетін спорттық іс-шаралар әкімдіктердің рұқсатымен, спорт басқармалары мен аккредиттелген өңірлік федерациялармен келісіліп, бекітілген ережеге сәйкес және жергілікті медицина, ветеринария, полиция қызметкерлерін жұмылдыра отырып, жүзеге асырылады. Өңірлерде көкпар мен жаппай көкпардан ұйымдастырылатын спорттық іс-шараларды өткізу кезінде қоғамдық тәртіп, медициналық және ветеринарлық бақылау, сонымен қатар, қауіпсіздік шараларын қамтамасыз ету жергілікті әкімдіктердің тарапынан қатаң бақылауға алынған», деді Аида Балаева.

Депутат рұқсатсыз көкпар өткізген тұлғалардың жауапкершілігін күшейтуді талап етті

Айта кетейік, облыстық полиция департаменті тексерісті аяқтаған соң, жауапты тұлғаларға заң аясында шара қабылданатын болады.