Әзілкеш Нұрлан Сабуровтың тағы бір елде өнер көрсетуіне тыйым салынды
<p>Молдова билігі әзілкеш Нұрлан Сабуровты ел аумағында концерттер ұйымдастыруға және мәдени іс-шараларға қатысуға ресми түрде ұсынылмайтын әртістердің арнайы тізіміне қосты. Сабуровпен бірге бұл тізімге Баста, Леонид Агутин, Игорь Николаев, Диана Арбенина, Егор Крид, Моргенштерн, сондай-ақ «Тату», «Руки вверх», «Ленинград» топтары және ТМД елдерінен өзге де өнерпаздар енген, деп хабарлайды <a href="/" target="_blank" rel="noopener noreferrer">Egemen.kz</a>.</p>
Молдова Мәдениет министрлігі бұл тізімнің тек ұсынымдық сипатта екенін және іс-шараларды ұйымдастырушылардың сұранысы бойынша жасалғанын атап өтті. Ведомствоның мәліметінше, мұндай шаралар елдің қауіпсіздігіне қатер төндіруі мүмкін іс-шаралардың өткізілуіне жол бермеу мақсатында қабылданған.
Сонымен қатар министрлік бұл құжаттың концерттерге тыйым салмайтынын және халықаралық мәдени ынтымақтастықты шектемейтінін мәлімдеді.
Айта кетейік, Нұрлан Сабуров 5 ақпаннан 6 ақпанға қараған түні Дубайдан ұшып келген кезде Мәскеудегі Внуково әуежайында ұсталған болатын. Сол жерде оған Ресейге кіруге тыйым салынғаны туралы хабарлама табысталған. Бұл шешім 30 қаңтардан бастап күшіне енгенімен, Сабуров бұл туралы тек әуежайға келгенде ғана білген. Бірнеше сағаттан кейін ол Алматыға ұшып кеткен. Қазақстанға оралғаннан кейін оған қатысты Ресей әскери қызметкерлеріне мотоциклдер берілді деген оқиғаға байланысты тексеру басталды.
Нұрлан Сабуров Ресейде орыс тілінен тест тапсыра алмай қалды