Министрлік: Бибісара Асаубаева азаматтығын ауыстырмайды
<p>Туризм және спорт министрлігі шахматшы Бибісара Асаубаеваның азаматтығын ауыстыруы мүмкін деген ақпаратты жоққа шығарды. Бұл туралы вице-министр Серік Жарасбаев мәлімдеді, деп хабарлайды <a href="/" target="_blank" rel="noopener noreferrer">Egemen.kz</a>.</p>
Оның айтуынша, Бибісара Асаубаеваның азаматтығын өзгерткені туралы ақпарат шындыққа сәйкес келмейді.
«Бибісара Асаубаеваның азаматтығын ауыстыру туралы ешқандай мәселе жоқ. Бұл әңгімені кімнің және не үшін көтеріп отырғанын білмеймін. Бибісара – еліміздің патриоты. Ол Қазақстан тарихында алғаш рет әлем чемпионатында қатарынан үш мәрте алтын медаль жеңіп алған шахматшы», деді Серік Жарасбаев.
Сондай-ақ ол жуық арада Бибісара Асаубаеваға Мемлекет басшысының атынан берілетін марапат салтанатты түрде табысталатындығын жеткізді.
Спортқа бөлінетін миллиардтар: Бюджет қаржысының тиімділігі туралы сарапшылар не дейді?
Еске сала кетейік, бұған дейін халықаралық гроссмейстер Бибісара Асаубаева жалақысының 3 есеге қысқарып, жарыстардың шығынын өз қаражаты есебінен төлегенін айтып Президентке үндеу жолдаған болатын. Сондай-ақ ол II дәрежелі «Барыс» орденін алуға тиіс болса да, мемлекеттік наградаға әлі де қол жеткізбегенін айтқан еді.
Министрлік марапаттау рәсімі спортшының тығыз жарыс кестесіне байланысты кейінге шегерілгенін мәлімдеген болатын.