Ақтөбеде никаб киіп, ұялы телефон ұрлаған әйелдер ұсталды

<p data-start="121" data-end="297"><strong>Ақтөбеде екі әйел қымбат смартфондарды ұрлау үшін ерекше тәсіл қолданған. Олар беттерін толық жабатын никаб киіп, ұялы байланыс дүкеніне кіріп, бағалы телефондарды қолды еткен, деп хабарлайды <a href="/" target="_blank" rel="noopener noreferrer">Egemen.kz</a>.</strong></p>

Полиция мәліметінше, олар мұндай қылмысты екі рет жасаған. Ұрланған смартфондарды кейін ломбардқа өткізіп, түскен ақшаны жеке қажетіне жұмсаған.

Тергеу барысында белгілі болғандай, әйелдердің қолданған «бетпердесі» бастапқыда олардың жеке басын анықтауды қиындатқан. Дегенмен полицейлер күдіктілердің кім екенін анықтап, олар өз кінәларын мойындады.

Күдіктілердің айтуынша, никаб киюі діни сенімдеріне байланысты болмаған.

Жалпы жыл басынан бері Ақтөбе облысында қоғамдық орындарда адамның жүзін тануға кедергі келтіретін киім кигені үшін 22 адам әкімшілік жауапкершілікке тартылған.

Никаб киюге тыйым: Жамбылда 20-ға жуық заңбұзушылық анықталды

Айта кетейік, Сенат «Құқық бұзушылықтардың алдын алу туралы» заң жобасын қабылдады. Құжат аясында қоғамдық орындарда бетті жауып, оны тануға кедергі келтіретін киім кию үшін әкімшілік жауапкершілік енгізіледі.