Иран билігі: АҚШ соққысы «Бушер» АЭС маңына жасалды
<p>АҚШ-тың әуе соққысы кезінде снарядтардың бірі Ирандағы «Бушер» атом электр стансасының маңындағы аумаққа түсті, деп хабарлайды <a href="/" target="_blank" rel="noopener noreferrer">Egemen.kz</a></p>
Иранның Бушер провинциясы билігінің мәліметінше, АҚШ шабуылы барысында снарядтардың бірі атом электр стансасын қоршаған периметр аумағына тиген.
Мен үшін бітім аяқталды: Трамп Иранмен келіссөздерді тоқтататынын мәлімдеді
Провинция әкімінің саяси және әлеуметтік мәселелер жөніндегі орынбасарының айтуынша, шабуыл АҚШ-тың атысты тоқтату режимін бұзғанынан кейін күндізгі уақытта жасалған.
«Бүгін күндіз Бушер провинциясындағы бірнеше нысан, оның ішінде атом электр стансасының қоршау аумағы АҚШ снарядтарының астында қалды», деді жергілікті билік өкілі.
Әзірге атом электр стансасының өзіне зақым келгендігі туралы ақпарат жоқ.