Ақмола облысында екі қыз бала көлікпен бірге суға кетіп, қаза тапты

<p>Ақмола облысында су айдыны маңындағы демалыс қайғылы жағдаймен аяқталды. 11 шілде күні Целиноград ауданына қарасты Қызылжар ауылының маңында болған оқиға салдарынан екі әпкелі-сіңлілі қыз көз жұмды, деп хабарлайды <a href="/" target="_blank" rel="noopener noreferrer">Egemen.kz</a></p>

Алдын ала мәлімет бойынша, отбасы демалыс күндерін табиғат аясында өткізу үшін жергілікті жасанды су қоймасына келген. Түнді сол жерде өткізгеннен кейін, келесі күні таңертең 8 және 12 жастағы қыздар суға шомылып шығып, жағалауда тұрған автокөліктің ішіне киім ауыстыру үшін отырған.

Сол сәтте көлік кенеттен өздігінен қозғалып, еңіспен төмен қарай сырғып, суға түсіп кеткен.

Қостанай облысындағы қайғылы жағдай: Немересі мен атасы суға батып кетті

Оқиға бірнеше секундтың ішінде болған. Балалардың әкесі оларды құтқаруға бірден ұмтылғанымен, көліктің есігін аша да, терезесін сындыра да алмаған. Салдарынан автокөлік су түбіне кетіп, екі қыз бала қаза тапты.

Оқиғаның нақты себептері анықталып жатыр. Тергеу амалдары жүргізілуде.