Ганада жол апатынан 71 адам қаза тапты

АСТАНА. 18 ақпан. Гана астанасы Аккра қаласында жолаушылар автобусы мен жүк көлігі соқтығысып қалды. Бұл туралы zakon.kz сайтына сілтеме жасаған egemen.kz тілшісі хабарлады. Алғашында 53 адамның мерт болғаны хабарланғанымен, кейіннен 71 адам қаза тапқаны белгілі болды. Сондай-ақ, 23 адам түрлі жарақат алды. Зардап шеккендерге дер кезінде алғашқы медициналық көмек көрсетіліп, жақын маңайдағы ауруханаларға жеткізілді. Дәрігерлердің айтуынша, 13 адамның жағдайы тым ауыр. Апаттың негізгі себебі әзірге белгісіз. Алайда, жолаушылар автобусының техникалық ақаулары себеп болуы мүмкін деген болжам жасалды. Оқиға орнында полиция қызметкерлері тергеу амалдарын жүргізіп жатыр. Аян Әбдуәли. Дерек: zakon.kz. Сурет: 24.kz.