Батырхан Шүкеновтің жаңа клипі

оның туған күніне орай түсірілді Әнші Батырхан Шүкеновтің «Әсел» әніне жаңа клип түсірілді. «Батырхан Шүкенов атындағы қоғамдық қор» бұл бейнебаянды марқұм әншінің туған күніне орай дайындаған екен. Әділ Шекіловтің әніне түсі­рілген бейнебаянда Батырхан Шүкеновтің сирек кездесетін кадрлары, оның достары, әріп­тестері енген. Сонымен қатар, гастрольдік сапарда жүрген сәт­тері, студиядағы түсірілімдер және 1993 жылы жазылған «Джулия» әнінің эпизодтары көрініс тапқан. Аталған қордың қызмет­керлері жаңа клиптегі кейіпкердің ойдан құрастырылғанын мәлім­деді. Ал алдағы уақытта Батырхан Шүкенов жайлы көркем фильм түсіру жоспарда бар. Бірақ қар­жының тапшылығынан әзір бастауға мүмкіндік болмай тұр­ған көрінеді. – Ол сондай мейірімді жан еді, ешкімге дауыс көтеріп сөй­леген емес. Өзінің ерекше дарынымен көпшіліктің ыстық ықыласына бөленді. Біз бұл бейнебаянда Батырханның өмірдегі келбетін барынша шынайы көр­сетуге талпындық, – дейді әнші атын­дағы қоғамдық қордың ат­қарушы директоры Жеміс Исабаева. Айта кетейік, A’Studio тобы­ның экс-әншісі 2015 жылдың 28 сәуірінде Мәскеу қаласында жүрек талмасынан қайтыс болған еді. Аян ӘБДУӘЛИ, «Егемен Қазақстан»