Қазақстанның рөлі жоғары бағаланған басқосулар

Мәжіліс Спикері Б.Ізмұхамбетов Санкт-Петербургте ТМД ПАА шаралары аясында Тәжікстаннан, Қырғызстаннан, Әзербайжаннан келген әріптестерімен, сондай-ақ ЕҚЫҰ Парламенттік Ассамблеясының төрағасымен кездесті, деп хабарлады осы палатаның баспасөз қызметі. Жүздесу барысында парла­ментаралық, соның ішінде, ынты­мақтастық жөніндегі топтар, сонымен қатар, Қазақстан мен Қырғызстан парламенттерімен ұйымдастырылған Парламент­аралық кеңес аясында өзара іс-қимылды дамыту мәселелері талқыланды. Бақтықожа Ізмұхамбетов Әзер­байжан, Қырғызстан парла­мент­терінің төрағаларына, сондай-ақ Тәжікстан Оли Мәжілісі На­моян­дагон Мәжі­лісінің Спи­кері­не Қазақстан Президентінің «Әлем. XXI ғасыр» манифесін жолдады. Мәжіліс Спикері ЕҚЫҰ ПА Төрағасы Илкка Канервамен кездесуінде де аталған ұйымға қа­ты­сушы-мемлекеттер тарапынан мани­фестің қолдау табатындығына сенім білдірді. Өз кезегінде Илкка Канерва Қазақстанның ЕҚЫҰ ПА-дағы рөлін жоғары бағалады. Әңгіме барысында Бақтықожа Ізмұхамбетов дағдарыс, лаңкестік шабуылдар, экономикалық санкциялар жағдайында парламентаралық қарым-қатынас рөлінің арта түсетіндігін атап өтті. Бақтықожа Ізмұхамбетов бастаған палата делегациясы Санкт-Петербургтегі шаралар барысында ТМД ПАА 44-пленарлық отырысына қатысты. Онда ғарыш кеңістігін бейбіт мақсатқа пайдалану мен зерттеу саласында, сондай-ақ, «Биоэнергетиканы дамыту негіздері туралы», «Экологиялық сараптама туралы», «Ағартушылық қызмет туралы», басқа да модельдік заңдар бойынша ынтымақтастық туралы ТМД конвенциясының жобасы талқыланды. Мәжіліс депутаттары М.Әшім­баев, С.Омаров, М.Айси­на, М.Тінікеев, Ш.Хахазов, М.Чирков, Б.Мәкен ТМД ПАА оты­рысы аясында мемлекеттік құры­лыс және жергілікті өзін өзі бас­қару тәжірибесін меңгеру, саяси мә­селелер мен халықаралық ынтымақтастық, аграрлық саясат, табиғи ресурс және экология, мәдениет, ақпарат, туризм және спорт бағыттарындағы модельдік заңнамалар бойынша пікір алмасты. Сонымен қатар, Парламент­аралық одақ, Еуропа кеңесі Парла­менттік Ассамблеясы, Достас­тық (ұлттар) парламенттік қауым­дастығы төрағалары да биік мін­бер­ден өзекті мәселелерді көтерді. Осы ретте Парламентаралық ассамблеялар ынтымақтасты­ғын арттыруға айрықша назар аударылды. Бұл турасында ЕҚЫҰ ПА Төрағасы Илкка Канерва парламенттік дипломатия мен өзара іс-қимылдың күшіне сенеті­нін, басты мақсат етене бай­ланыс орнату екендігін алға тарт­са, Парламентаралық одақ Төр­ағасы Сабер Чоудхури Санкт-Петер­бургте Шығыс пен Батыстың Пар­ла­менттік ассамблеялары кезде­суі­нің маңыздылығын сөз етіп: – Соңғы 24 жылда қабылданған модельдік заңдардың 86 пайызы белгілі деңгейде ұлттық парламенттермен байланысты. Бұл – ұлттық парламенттер үшін жақ­сы тәжірибе. Ол тәжірибені халық­аралық қоғамдастықпен бөлісудің пайдасы өте-мөте зор, – деді. Парламент өкілдері қазіргі жағдайда, мемлекеттерді жақын­дас­тыруда парламенттік дип­ломатияның рөлі арта түсе­тініне сенім білдірді.