Жаңа жастар театры

Қызылорда қаласында ірге көтерді [caption id="attachment_41861" align="alignnone" width="560"] Сурет:twitter.com[/caption] Қызылордада соңғы жылдары мәдениет саласы қарқынды дамып келеді. Соның бір айғағы, қалалық мәдениет және тілдерді дамыту бөлімінің ұйымдастыруымен құрылған жастар театры болса керек. – Бөлім жанынан ашылып отырған жастар театрына бюджеттен арнайы қаржы қаралмаған. Мұндағы артис­тер – мәдениет үйлеріндегі түрлі үйірмелерде өнер көр­сетіп жүрген жастар. Театр­дың бастамасы жаман емес, – дейді қалалық мәдениет бөлімінің басшысы Ғалым Баймырзаев. Театрда арнайы ар­тис­тік мамандықтары болмаса да, драматургияны жү­ре­гімен түсінетін жас­тар өнер көрсетеді. Таяуда ғана шымылдығын түрген театрдың өнерлі өрендері ә дегеннен «Алғашқы махаббат» пьесасын сахна­лап, өнерсүйер қауым жас­тардың тырнақалды қойылымына оң бағасын бер­ді. Жалпы, қойылымда артистер қазіргі қоғам ке­леңсіздіктерін сатиралық жанрда әдемі бейнелеп жеткізген. Онда арман қу­ған жастардың алдынан көлденең тартылатын кедергілер, мектеп оқу­шысының алғашқы және баянсыз махаббаты суреттеледі. Жас әуесқой сах­нагерлер образдарды шебер сомдап, махаббат ма­шақаты мәселесін терең­нен қозғайды. – Театрдың алда жос­пары көп. Мысалы, Ол­жас Сүлейменов шығар­машылығынан тың дүние­лер алып көрсеткіміз ке­леді. Біржан салдың өмір жолы туралы қойылымды көпшілікке ұсыну жоспарымызда бар, – дейді жас­тар театрының режиссері Оңталап Нұрмаханов. Айта кетейік, жастар теа­тры алдағы уақытта маз­мұнды қойылымдар қатарын көбейтіп, тың туындыларды өмірге әкелмекші. Талғат РАЙЫМБЕК, «Егемен Қазақстан»