Жарыстар жаңғырығы

БОКС. Астанада әйелдер арасында өтіп жатқан әлем чемпиона­тында 51 килоға дейінгі салмақ­тағы Жайна Шекербекова ширек финалда германиялық Азиза Ниманиді жеңіп, жартылай фи­налға шықты. Осы арқылы ол Олимпия ойындарының лицензия­сына қол жеткізді. КИОКУШИНКАЙ-КАН КА­­РАТЭ. Болгарияның Варна қала­сында қазақстандық Темірлан Жәнібеков 65 килоға дейінгі сал­мақта Еуропа чемпионы атанды. Сол сияқты Қытайдың Ханжоу қаласында Никита Гарас пен Әлем­гүл Сабырхан Азия чемпио­ны атағын жеңіп алды. Осы жарыста Нұрлыхан Сәдуақасова мен Аяулым Мұратова күміс жүл­дені,  Данияр Әлімусинов қола медальді иеленді. ТЕННИС. Венгрияның Буда­пешт қаласында ITF сериясына жа­татын жасөспірімдер арасында халықаралық турнир өтіп жатыр. Оған Қазақстан құрамасында Дас­танбек Ташболатов пен Жібек Құ­лам­­баева қатысуда. Дастанбек ту­р­­­нирдің ширек финалына шықты. ҚАЗАҚ КҮРЕСІ. Өскеменде қазақ күресінен Ырғызбай Дос­­ханұлының атындағы ха­лық­аралық турнир өтуде. Оған әлемнің 20 елінен балуандар қатысуда. Олардың арасында Олимпиада және әлем чемпиондары бар. ДЗЮДО. Оралда ерлер және әйелдер арасында Кеңес Одағының Батыры Мәншүк Мәметованы еске түсіруге арналған VIІ халықаралық турнир өтті. Жарысқа 200-ден астам спорт­шы қатыcты. ГАНДБОЛ. Қызылордада әйел­дер арасында Қазақстан чем­пио­натының суперлига ойын­дарының 5-ші туры өтіп жатыр. Оған Алматы облысының «Іле», Өскеменнің «Алтай», Астананың №5 мамандандырылған олимпиа­далық резервтегі балалар және жас­өспірімдер мектебі, «Алматы» жә­не Қызылорданың «Сейхун»-КАМ-ҚМУ» командалары қаты­суда. «Егемен-ақпарат»