Азия ойындарында жарыстардың алғашқы күні коньки тебу спортынан құрлықтың жаңа рекорды жасалды. Күншығыс елінің өкілі Масако Ходзуми 3 мың метрлік қашықтықты 4 минөт 7,82 секөнтте жүріп өтіп, Жапонияның қоржынына осымен үшінші алтын медаль қосты.
Ал кеше Азиаданың екінші рекорды өмірге келді. Корейлік конькиші Сьюн Хун Ли 5 мың метрлік қашықтықтағы жарыста алтын медальды мойнына тақты. Оның алдында өткен жылдың қаңтар айында Азия рекордын (6 минөт, 26,38 секөнт) Ли Сын Хун жасаған. Ал биылғы сында оңтүстіккореялық конькиші 5 мың метр қашықтықты 6 минөт 25,56 секөнтте жүріп өтіп, бас жүлдені жеңіп алды. Осы жарыстағы екінші жақсы көрсеткішті Дмитрий Бабенко көрсетті. Ол аталмыш қашықтықты 6 минөт 28,4 секөнтте жүріп өтті.