Ақордада Мемлекет басшысы Нұрсұлтан Назарбаев Ұлыбританияның экс-Премьер-министрі Энтони Блэрді қабылдады.
Кездесу барысында тараптар екіжақты ықпалдастық мәселелерін талқылады.
* * *
Мемлекет басшысы Нұрсұлтан Назарбаев Әбу-Дабидің мұрагер ханзадасы Шейх Мұхаммед бен Заид әл-Нахаянмен кездесті.
Әңгіме барысында тараптар Қазақстан мен БАӘ арасындағы екіжақты ынтымақтастыққа қатысты бірқатар мәселелерді талқылады. Әл-Нахаян Азиаданың мінсіз ұйымдастырылғанына таңданысын білдірді.
* * *
Мемлекет басшысы Нұрсұлтан Назарбаев Халықаралық Олимпиада комитетінің төрағасы Жак Роггені қабылдады.
Кездесуде тараптар екіжақты ықпалдастық, Қазақстанның спортты дамытудағы жоғары жетістіктері жайлы сөз қозғады. Ж.Рогге Қазақстан Президентіне Қысқы Азия ойындарын халықаралық жоғары деңгейде ұйымдастырғаны үшін шынайы алғысын білдірді.
– Азиада қарсаңында Қазақстанда көптеген жаңа бірегей спорт ғимараттары салынғанын атап айтқым келеді. Бұл Азиаданың ұйымдастырылуы ең жоғары деңгейде болғанын көрсетеді. Сонымен қатар, Президентпен кездесуіміз барысында біз 2022 жылғы Қысқы Олимпиада ойындарын Қазақстанда өткізу мүмкіндігі жайында пікір алыстық, – деді Ж.Рогге.
* * *
Елбасы Нұрсұлтан Назарбаев Азия Олимпиадалық кеңесінің президенті, шейх Ахмад әл-Фахад әл-Сабахпен кездесті.
Кездесу барысында тараптар екіжақты ынтымақтастық мәселелерін, сонымен қатар VІІ Қысқы Азия ойындарын өткізу жайын талқылады. Әл-Сабах Президент Н.Назарбаевқа Азиаданы тамаша ұйымдастырғаны үшін ризашылығын білдірді.
– Мен Қазақстан Президентіне Азиядағы барлық спорт ұйымдары мен қозғалыстары атынан ел тәуелсіздігінің 20 жылдық мерейтойымен құттықтауын жеткіздім, – деді шейх әл-Сабах журналистерге арналған брифингте.