АСТАНА. 7 маусым. Қазіргі күндері Талдықорған қаласында өтіп жатқан ауыр атлетикадан әлем чемпионатында Владимир Седов жанжал шығарып, жарысқа қатысудан бас тартты. Бұл туралы Vesti.kz ақпарына сүйенген egemen.kz тілшісі хабарлады.
Зілтемірші мұны арандатушылық сипатта жасаған. Спортшы жарыс тұғырына шықпай, кетіп қалған.
«Міне, саған Олимпиада чемпионы!», – деп айқай салған Владимир Седов үстіндегі футболкасын шешіп алып, трибунаға қарай лақтырып жіберген. Осыдан кейін штангаға жоламастан, трибуна астындағы бөлмеге кетіп қалған.
Еліміз құрамасының 94 килоға дейінгі салмақтағы фавориті осындай кейіпте турнирге кездесуден бас тартқан.
Талғат Райымбек.
Дерек, фото: Vesti.kz.