Футболдан Еуропа чемпионатының Е тобында өнер көрсететін Бельгия мен Ирландия құрамалары Бордо қаласында кездесті.
Бельгия – Ирландия 3:0 (0:0)
Стадион: «Матмю Атлантик»
Төрешілер: Джюнейт Чакыр, Бахаттын Дуран, Тарик Энгюн (бәрі – Түркия), Бенуа Бастьен (Франция)
Бельгия: Тибо Куртуа, Менье Томас, Тоби Альдервейрельд, Томас Вермален, Ян Вертонген, Мусса Дембеле (Раджа Найнгголан 57), Аксель Витсель, Эден Азар, Кевин де Брюйне, Феррейра-Карраско (Дрес Мертенс 64), Ромелу Лукаку (Кристиан Бентеке 83)
Ирландия: Даррен Рэндольф, Шеймус Коулмен, Джон О’Ши, Стивен Уорд, Киран Кларк, Джеффри Хендрик, Уэсли Хулахэн (Эйден Макгиди 73), Гленн Уилан, Роберт Брэди, Джеймс Маккарти (Джеймс Маклин 63), Шейн Лонг (Робби Кин 78)
Голдар: Ромелу Лукаку 48, 70, Аксель Витсель 61
Ескерту алғандар: Томас Вермален 50 – Джеффри Хендрик 43
Алғашқы таймда қос команда қауіпті шабуылдар ұйымдастырғанымен, бір-біріне гол соға алмады. Алайда, екінші таймда бар күшін салған Бельгия құрамасы қарсыластарына үш бірдей доп салды. Алдымен, Ромелу Лукаку 48-минутта айып алаңының сыртынан қақпаны дәл көздеп, командасын алға шығарса, 61-минутта Аксель Витсель мергендігімен көзге түсті. Қайратына мінген бельгиялықтар мұнымен де тоқтамай, 70-минутта қақпаға үшінші допты тоғытты. Эден Азардың әдемі пасын голға айналдырған Ромелу Лукаку бұл кездесудегі өзінің екінші голын салды.
Эден Азар бастаған Бельгия құрамасына ирландиялықтар ешнәрсе істей алмады. Шабуылға жиі шыққанымен, қорғаныстан өте алмады. Осының арқасында үш ұпай алған бұл команда кестеде екінші орынға жайғасты. Ал ерекше ойынымен көзге түскен Аксель Витсель матчтың үздік ойыншысы атанды.
Аян Әбдуәли.
Фото, видео: vk.com.