GGG

Осындай пошта маркасы шықты «Қазпошта» акционерлік қоғамы қазақстандық боксшы Геннадий Головкинге арналған бес маркадан тұратын пошталық топтаманы айналымға шығарды. – Әлемге әйгілі боксшыла­рымыздың бірі біздің пошта маркаларымызға шығарылды. Геннадий Қазақстан боксын насихаттау үшін, елімізді төрткүл дүниеге танымал ету үшін өте көп дүниелер жасады, – деді басқарма төрағасы Бағдат Мусин. Пошта маркаларының номиналдары – «А» литерлері 121 теңге, салмағы 20 грамға дейінгі заңды тұлғаларға арналған жерүсті көлігімен тасымалданатын қалыпты хатты жіберуге арналған тарифке сәйкес келеді. «В» литерлері – 200 теңге, 20 грамға дейінгі жерүсті көлігімен ТМД елдеріне тасымалданатын қалыпты хатты жөнелтуге арналған, «С» литерлері – 218 теңге, салмағы 20 грамға дейінгі жерүсті көлігімен Қазақстан аумағы бойынша тасымалданатын қа­лыпты хатты жөнелтуге жарайды. Айта кетейік, Геннадий  Головкин – орта салмақ дәрежесінде WBA, WBC, IBF және IBO тұжырымдары бойынша әлем чемпионы. Ол 10 қыркүйек күні Лондон қаласында британиялық Келл Брукпен кезекті жекпе-жегін өткізеді. Қазақ­стандық боксшы осыған дейін өткізген 35 кездесуінің бәрінде же­ңіске жетіп, олардың 32-ін нокаутпен аяқтаған. Ал 30 жастағы британиялықтың еншісінде 36 жекпе-жек. Бәрінде қарсыластарын ұтып, 25-ін уақытынан бұрын аяқтаған. Аян ӘБДУӘЛИ, «Егемен Қазақстан»