Партия бағдарламасы – фракция басымдықтары

Кеше Парламент Мәжілісінде «Нұр Отан» халықтық-демо­кра­тиялық партиясы фракциясының жиналысы өтті, деп ха­барлады Мәжілістің баспасөз қызметі. Жиналыста Қазақстан Респуб­ликасының Президенті Нұрсұл­тан Назарбаевтың «Болашақтың іргесін бірге қалаймыз» атты Қа­зақстан халқына Жолдауында ай­тылған тапсырмаларды орын­дау бойынша фракцияның іс-ша­ра­ла­ры қаралды. Елбасы Нұрсұлтан Назарбаев­тың 2011 жылғы 28 қаңтардағы Қазақстан халқына Жолдауында айтылған тапсырмаларды орын­дау бойынша «Нұр Отан» ХДП Пар­ламент Мәжілісіндегі фрак­ция­сының міндеттері туралы негізгі баяндаманы Парламент Мә­жілісінің Төрағасы, «Нұр Отан» ХДП фракциясының жетекшісі Орал Мұхамеджанов жасады. Күн тәртібіне сәйкес, «Нұр Отан» ХДП фракциясының мү­ше­лері «Нұр Отан» ХДП-ның 2020 жылға дейінгі бағдарламасы жоба­сы­н жан-жақты талқылады. Осы орайда «Нұр Отан» ХДП фракция­сы жетекшісінің орынба­сары Влади­мир Нехорошев баяндама жасады. *  *  * Жиналыс қорытындылары бой­ынша қабылданған фракция шешімдерінде Парламент Мәжілісі депутаттары – «Нұр Отан» ХДП фракциясының мүшелеріне Жолдауда қойылған міндеттерді ор­ындау бойынша іс-шараларды іске асыру және «Нұр Отан» ха­лықтық-демократиялық партия­сы­ның XIII кезекті съезінің жұ­мы­сына белсенді түрде қатысу тапсырылды. *  *  * Жиналысқа «Нұр Отан» ХДП хатшысы – партияның Орталық аппа­ратының басшысы Сергей Гро­мов, Президент Әкімшілігінің және Премьер-Министр Кеңсе­сі­нің Қа­зақ­стан Республикасы Парламентіндегі өкілдіктерінің бас­шы­лары қатысты.