Даңқты Пеле Рио-де-Жанейрода өтетін Олимпиада ойындарына арнап ән жаздырды. Бұл туралы футбол королі өзінің Twitter-дегі парақшасы арқылы хабарлады.
«Мен Олимпиадаға арнап «Үміт» деген ән шығардым. Жаңа әнді 15 шілде күні өздеріңізбен бөліскенге дейін шыдай алар емеспін», деді Пеле.
Пеленің музыкамен әуестенетіні бұрыннан белгілі. Ол 1969 жылы бразилиялық танымал әнші Элис Режинаның жаңа альбомын жазуға қатысқан. 2014 жылы Пеле танымал музыкалық ұжымдардың біріне қосылуға ниетті екендігін айтқан-ды.
Нұрислам АСҚАР