Мемлекет басшысы Нұрсұлтан Назарбаев Қазақстан Республикасының Австрия Республикасындағы Төтенше және өкілетті елшісі Ержан Қазыхановты қабылдады, деп хабарлады Қазақстан Республикасы Президентінің баспасөз қызметі.
Кездесу барысында Е. Қазыханов Президентке Елшіліктің 2010 жылғы қызметі туралы баяндады.
* * *
Мемлекет басшысы Нұрсұлтан Назарбаев Қазақстан Республикасының ЕҚЫҰ жанындағы Тұрақты өкілі Қайрат Абдрахмановты қабылдады, деп хабарлады Қазақстан Республикасы Президентінің баспасөз қызметі.
Кездесу барысында Қ. Абдрахманов еліміздің Президентіне Қазақстанның 2010 жылы ЕҚЫҰ-ға төрағалығы барысындағы Тұрақты өкілдік қызметінің қорытындылары туралы баяндады.
– Мемлекет басшысы Қазақстанның 2011 жылы ЕҚЫҰ «Үштігінің» мүшесі ретіндегі негізгі міндеттерін айқындап берді. Бұдан басқа, мен Нұрсұлтан Әбішұлына ЕҚЫҰ-ның мүшелері Қазақстанда кезектен тыс президенттік сайлау өтетіні туралы шешімді жоғары бағалағанын баяндадым, – деп мәлім етті Қ. Абдрахманов журналистерге арналған брифингте.