Тасмания университетінің зерттеушілері әлеуметтік желінің адамдарға тигізетін ең басты зиянын анықтады.
Әлеуметтік желіні қолданушылардың арасында зерттеу жүргізген мамандар адамдардың әр аккаунтта өздерінің табиғи болмыс-бітімін түрліше көрсетуге тырысатынына, ал өмірде мүлде басқаша адам болып шығатынына көз жеткізіпті.
– Олар өздерін виртуалды әлемдегі «достарына» тартымды етіп көрсетуге тырысады. Бір аккаунтта салмақты, сабырлы болуға тырысса, енді бір аккаунтта көңілді, ашық мінезді адам ретінде танылуға құмартады. Ондай адамдар шынайы өмірде адамдармен араласуда, тіл табысуда қиналады. Ақыр соңында күйзеліске ұшырауы әбден мүмкін, – дейді ғалымдар.
Мамандардың айтуынша, адамдарға виртуалды өмірде де, шынайы әлемде де өздерін бірқалыпты ұстауға көмектесетін тиісті ұсыныстар әзірлеу керек. Әйтпесе, күйзеліске түскен адамдар көбейе береді.
Нұрислам АСҚАР