Кеше еліміздің Бас Прокуроры Жақып Асанов Сербияның Бас прокуроры Загорка Доловацпен кездесті.
Онда тараптар алдағы қылмыстық істер бойынша өзара құқықтық көмек көрсету аясында Қазақстан мен Сербия арасындағы халықаралық-құқықтық қатынастар барысын талқылады.
Осылайша екі елдің құзырлы ведомствосының басшылары халықаралық және аймақтық қауіпсіздікті қамтамасыз ету мақсатында жалпы стратегиялық міндеттерге байланысты мәселелер жөніндегі ықпалдастықты нығайтудың өзектілігін атап өтті.
Сөйтіп, кездесу нәтижесінде Ж.Асанов З.Доловац ханымға екі ел арасындағы құқықтық ынтымақтастықтың тиімділігін атап өтіп, жылы қабылдауы мен сындарлы сұхбатқа шынайы ризашылығын білдірді, деп хабарлады Бас прокуратураның баспасөз қызметі.