Риода басталған Паралимпиада ойындарында Қазақстан алғашқы алтын медальға ие болды. Бұл туралы Қазақстанның паралимпиада комитеті хабарлады. Жүзгіш Зүльфия Габидуллина 100 метр қашықтыққа еркін әдіспен жүзуден бас жүлдеге ие болып қана қоймай, әлем рекордын жаңартты.
Зүльфия Габидуллина алты мәрте әлем чемпионы болған, әлемдік рейтингте алғашқы алтылыққа кіретін спортшы.
Рио-де-Жанейродағы жазғы Паралимпиаданың ашылу салтанаты 8 қыркүйекте Маракана стадионында өткен болатын. Ойындар қыркүйектің 17-сі күні аяқталады.