Македонияның толымды тартуы

Елордадағы Ұлттық академиялық кітапханада Македония бұрышы ашылды. Бұл ресми шара Македонияның еліміздегі мәдени күндері аясында өтті. Кітап сөресіне әлемнің бірнеше тілдеріне аударылған 135 томдық көркем әдебиет пен зерттеу еңбектері қойыл­ды. Македония Респуб­ли­ка­сының астанасы – Скопьедегі Әулие Климент Охридский атындағы университет кітап­ханасының тартуы екі ел арасындағы мәдени қа­рым-қатынасты арттыруға бағытталып отыр. Ресми шараға Ұлттық академиялық кітапхана директоры Үмітхан Мұңалбаева, Македония Рес­­­публикасының Қазақ­стандағы Төтенше және өкі­летті елшісі Илия Псал­тиров, Маке­дония Рес­публикасы Сырт­қы іс­­тер министрлігінің Еуро­па­лық емес мемлекеттер департаментінің директоры Ненад Колев мырза қатысты. Айта кетейік, мәде­ни күндер аясында Македо­ния­ның «Синтезис» этнотобы еліміздің екі ірі қала­сында концерт қойды. Ал­дымен 3 қыркүйек күні Ал­маты қаласында Жам­был атындағы Қазақ мем­лекеттік филармониясында Мемлекеттік академиялық симфониялық оркестрдің сүйемелдеуімен көпшілік назарына Македонияның ұлттық өнері ұсынылса, «Синтезис» тобының Мем­лекеттік академиялық сим­фониялық оркестрімен бір­лескен екінші концерті 6 қыркүйек күні Қазақ ұлттық өнер академиясында ұйымдастырылды. «Синтезис» этно-тобы 1995 жылы македон ұлттық фольклорын сақтау және наси­хаттау мақсатында құ­­рылған. Жиырма жылдан астам уақыт ішінде әлем­нің түкпір-түкпірін аралап, 700 концерт берген. Атап айт­қанда, Венгрия, Словения, Австрия, Италия, Германия, Грекия, Сербия, Португалия, Испания, Бель­гия, Польша, Франция, Швеция, АҚШ, Жапония, Австралия секілді елдер тұрғындарының ерекше ілти­патына бөленген. Алты CD альбомы мен Македония филармониясының оркес­трімен бірігіп өткізген кон­цертінің DVD нұсқасы жа­рық көрген. «Егемен-ақпарат»