Еліміздің Бас прокуроры Жақып Асанов «Прокурор және тергеуші» тақырыбында Дублин қаласында (Ирландия Республикасы) өткен Халықаралық прокурорлар қауымдастығының (ХПҚ) 21-ші жыл сайынғы конференциясы және жалпы отырысына қатысты. Форумда әлемнің 80-нен астам елдерінің жоғары қадағалау органдарының басшылары бас қосты.
Ашылу рәсімінде Ирландия Республикасы Мемлекеттік прокуратурасының басшысы Клэр Лофтус пен Халықаралық прокурорлар қауымдастығының Президенті Герхард Ярош сөз сөйледі. Онда прокурорлар мен тергеушілер қарым-қатынасы, өзара құқықтық көмек туралы халықаралық шарттардың рөлі, киберқылмыс пен сыбайлас жемқорлық, терроризммен және қылмыстың басқа да ұйымдасқан түрлерімен күресу, халықаралық қылмыстық сот төрелігі және дағдарыс жағдайындағы тұрмыстық мәселелер сөз болды.
Форумға қатысушылар трансұлттық ұйымдасқан қымыстың алдын алу, адам құқықтарының кепілін қамтамасыз ету, әділ сот, заң үстемдігі, қылмыстық жолмен табылған кірістер мен активтерді қайтару тетіктерін реттеу үшін прокуратура органдары арасындағы халықаралық ынтымақтастықты нығайту, тәжірибе және ақпарат алмасуды белсендендіру қажеттілігін атап өтті.
Форум аясында Ж.Асановтың Дубай Әмірліктері, Ирландия Республикасы, Канада, Таиланд, Түркия, Чехия, Швейцария бас прокурорларымен, АҚШ, Сауд Арабиясы, Әзербайжан бас прокурорларының орынбасарларымен, сондай-ақ ХПҚ басшылығымен келіссөздер өткізді. Әріптестер халықаралық ұйымдасқан қылмыспен, есірткі саудасы, экстремизм және лаңкестікпен күрес аясындағы ынтымақтастықтың маңызды мәселелері бойынша пікір алмасты. Сонымен қатар, шарттық-құқықтық базаны кеңейту және күшейту,