Парламент Сенатының депутаты Жеңіс Нұрғалиев 2016 жылы 18 қыркүйекте Ресей Федерациясы Мемлекеттік Думасының сайлауын байқауға қатысты. Сенатор ТМД Парламентаралық Ассамблеясының құрамында Қорған облысының сайлау учаскелерінде және аумақтық комиссияларында болды.
Сапар аясында Ж.Нұрғалиев облыс губернаторының бірінші орынбасары – агроөнеркәсіп кешені департаментінің директоры Сергей Пугинмен кездесті. Сенатор аймақтағы Қазақ ұлттық мәдени автономиясының өкілдерімен кездесті. Қазақстандық парламентші, сонымен қатар, Кетов ауданында болды және Қорған облысындағы сайлау комиссиясының сайлау қорытындысы бойынша ұйымдастырған баспасөз мәслихатына қатысты, деп хабарлады ҚР Парламент Сенатының баспасөз қызметі.