Израильдің бұрынғы президенті Шимон Перес 94 жасында қайтыс болды деп хабарлайды Егемен-ақпарат BBC News-ке сілтеме жасап.
Қыркүйектің 13-і күні Шимон Перес миына қан құйылып Тель-Авив жанындағы бір госпитальге жеткізілген болатын. Сол кезден бері бұрынғы саясаткер комада жатқан еді.
Шимон Перес Израиль мемлекетіндегі ең танымал саясаткерлердің бірі. Ол екі мәрте премьер-министр қызметінде болды. Одан басқа Израильдің Қорғаныс министрі, Қаржы министрі, Байланыс министрі, Сыртқы істер министрі, Ішкі істер министрі сияқты көптеген лауазымдар атқарды. Ал 2007-2014 жылдар аралығында Израильдің президенті болды.
1994 жылы елдің премьер-министрі Ицках Рабин және Палестинаның сол кездегі басшысы Ясир Арафатпен бірге Нобельдің Бейбітшілік сыйлығына ие болды.