13 қазан күні республиканың басым бөлігінде атмосфералық фронтальды бөліктердің өтуіне байланысты жауын-шашын болады, күндіз оңтүстікте және оңтүстік-шығыста кей жерлерде қатты жауын-шашын күтіледі, тек батыста жауын-шашынсыз ауа-райы сақталады.
Кей жерлерде тұман, көктайғақ болады, желдің екіпін 15-20 м/с-ты құрайды, деп хабарлайды Егемен-ақпарат «Қазгидрометке» сілтеме жасап.
Мәселен, Алматы, Оңтүстік-Қазақстан облыстарының кей жерлерінде жел 15-20 м/с күшейеді.
Ақмола, Қостанай, Солтүстік Қазақстан, Павлодар облыстарының кей жерлерінде тұман, көктайғақ күтіледі.
Қарағанды, Шығыс Қазақстан облыстарының жекелеген аймақтарында тұман, көктайғақ күтіледі, жел 15-20 м/с күшейеді.
Жамбыл облысында кей жерлерінде тұман болады, желдің жылдамдығы 16-21 м/с болады.