2016 жылдың 22-23 қазан күндері Қызылорда қаласында Қармақшы ауданының құрметті азаматы Болатбек Сүлейменовті еске алуға арналған 1997-1998 жылдары туылған жастар арасында дзюдодан халықаралық турнир өтеді, деп хабарлайды Егемен-ақпарат Қызылорда облыстық дене шынықтыру және спорт басқармасына сілтеме жасап.
Биыл 16-шы мәрте ұйымдастырылатын дүбірлі бәсекеге еліміздің он бір облысынан және Өзбекстан, Қырғызстан елдерінен 250-ге жуық татами шебері 16 салмақ дәрежесінде жүлделерді сарапқа салады.
Жарыс ұлдар және қыздар арасында да 8 салмақ дәрежесі бойынша өтеді.
Турнирдің салтанатты ашылуы 22 қазан күні сағат 12.00-де «Евразия» спорт кешенінде өтеді.