Кеше Орталық сайлау комиссиясының кезекті отырысы өтіп, онда Қазақстан Республикасының кезектен тыс президенттік сайлауының үдерістерін бақылайтын халықаралық байқаушыларды тіркеу туралы қаулы қабылданды.
Орталық сайлау комиссиясының мүшесі Татьяна Охлопкованың хабарлағанындай, 4 наурызда Орталық сайлау комиссиясына 15 байқаушы тіркелді. Олардың 10-ы ТМД Парламенттік Ассамблеясынан, 2-еуі Ұжымдық қауіпсіздік шарты ұйымының Парламенттік Ассамблеясынан, 3-еуі Тәжікстан Республикасынан. Тіркелген байқаушылардың саны қазірге 74-ке жетті.
«Егемен-ақпарат».