Қысқы Универсиадада Қазақстан құрамасының спорттық киімдерінің үздік дизайны анықталды. Конкурсты 15-20 қараша күндері ҚР Білім және ғылым министрлігінің тапсырысымен «Z INDUSTRIES LLC» ЖШС өткізді. Спорт киім жинағы 19 түрлі заттан тұрады. Олардың барлығы бір-бірімен мағыналық жағынан жақын, әрі шығармашылық байланыста болуы керек.
Конкурстық негізде таңдалған дизайн туралы www.konkursalmaty2017.kz сайтынан білуге болады.
Естеріңізге сала кетсек, 28-Қысқы Универсиада 2017 жылы 28 қаңтар - 8 ақпан аралығында өтеді. Оған 50-ден астам елден 2000 спортшы келеді деп жоспарлануда.