Біздің депутаттық сауалымызға еліміздегі балық шаруашылығы саласында қалыптасып отырған ахуал негіз болып отыр.
Бұл саладағы проблемалар бұрын да депутаттық сауалдарда көтерілген болатын, алайда біздің сайлаушылар тарапынан жиі көтерілуіне байланысты осы мәселелердің тағы да мұқият қаралғанын қалаймыз.
Сайлаушылар өз өтініштерінде біздің су қоймаларында, атап айтқанда, Балқаш көлінде балық күннен-күнге азайып бара жатқанына, ал Зайсан көлінде балық мүлдем қалмағанына шағымдануда.
Бұл көлдерде ұзына бойы қытайлық аулар тартылған, онда тіпті ұсақ балықтың (шабақтың) өзі өліп қалады. Мұндай ауларды пайдалануға тыйым салынған, бірақ осыған қарамастан, балық қорғау органдары тарапынан бақылаудың жеткіліксіздігі салдарынан оларды қолдану іс жүзінде тоқтатылмай отыр.
Жоғарыда айтылғандарға байланысты, Ауыл шаруашылығы министрлігіне мынадай сауалдар бағыттаймыз:
1. Балқаш және Зайсан көлдерінде балық аулаудың ғылыми негізделген лимиті қолданыла ма?
2. Аталған көлдердегі соңғы 10 жылдағы балық қорының динамикасы қандай?
3. Осы су қоймаларында балық ресурстары қорларының қалпына келуіне мүмкіндік туғызу үшін оларда кәсіптік балық аулауды толығымен немесе ішінара шектейтін уақыт жетті ме? Осы үшін Ауыл шаруашылығы министрлігі қандай шаралар қабылдауда?
Ерлан НЫҒМАТУЛИН, Мәжіліс депутаты.