Маңғыстау таулары – Каспий теңізіндегі Маңғыстау түбегінде жатыр. Олардың құрамына Қаратаудың батыс және шығыс жоталары, Ақтаудың оңтүстік және солтүстік жоталары енеді. Қаратаудың ұзындығы – 117, Ақтаудың ұзындығы – 70 шақырым. Бәрі де жыралар, сайлар, аңғарлар, жартастармен бөлшектелген. Маңғыстау тауларының ең биік нүктесі – Қаратау-Бесшоқы (556 м).
Таулардың оңтүстік бөлігінде Батыр аталатын ойпат бар. Бұл – Қазақстанның ең төмен нүктесі. Аталған ойпат әлем бойынша Израильдегі Өлі теңізден (- 395 м), Қытайдағы Тұрфан қазаншұңқырынан (-154 м), Африкадағы Ассаль көлінен (-150 м), Мысырдағы Каттара ойпатынан (-133) кейін бесінші орында тұр.