Шәмші Қалдаяқов атындағы халықаралық «Менің Қазақстаным!» ән фестивалін дайындау және өткізудің қағидасы

1. Жалпы ережелер 1. Қазақтың ән өнерін дамыту, қазақ вальсінің королі Шәмші Қалдаяқовтың мол мұрасын халық арасында орындап жүрген дарынды жастардың шығарма­шы­лығына қолдау көрсету, қазақ эстрадасы­ның маңдайалды шеберлерінің өнерін кей­інгі жас буынға үлгі ету, сондай-ақ қа­зақтың дарынды композиторының шығар­ма­ларын ұлықтап, бұқара халыққа насихаттау мақсатында Қазақстан Республи­ка­сының Мәдениет министрлігінің Мәде­ниет комитеті Шәмші Қалдаяқовтың шы­ғармашылығына арналған «Менің Қазақ­станым!» атты Халықаралық ән фестивалін (бұдан әрі – Фестиваль) өткізеді. 2. Фестиваль Астана қаласында 2011 жылғы 20-22 қыркүйек аралығында өтеді. Фестивальға облыстардың, Астана мен Ал­маты қалаларының мәдениет басқарма­ла­рының ұсынысы бойынша жергілікті жер­лерде өткізілген Ш.Қалдаяқов атын­дағы ән байқауларының жеңімпаздары (әр тараптан бір үміткер) қатыса алады. Сондай-ақ, осы Фестивальға шетелдердің орындаушылары да қатысуға құқылы. 2. Фестивальдың мақсаттары мен міндеттері 3. Фестивальдың мақсаттары мен міндеттері: 1) Ш. Қалдаяқовтың шығармашылығын кеңінен насихаттап, ұрпақтан-ұрпаққа жеткізу; 2) ән өнерінің ең жақсы дәстүрлері мен жетістіктерін жаңғырту, дамыту және насихаттау; 3) халықтың мәдени демалысы мен эс­тетикалық тәрбиесін, рухани және мәдени құндылықтармен алмасуды ұйымдастыру; 4) талантты, өзіндік ерекшелігі бар орындаушыларды қолдау; 5) жастардың эстетикалық және ұлт­жан­дылық тұрғыда тәрбиеленуіне, ұлттық және әлемдік мәдениет құндылықтарына тартылуына ықпал ету. 3. Фестивальды өткізудің тәртібі және шарттары 4. Фестиваль үш кезеңнен тұрады. Ұй­ымдастыру комитетінің шешімі бойынша кезеңдердің саны өзгеруі мүмкін. Фести­вальға қатысуға 16-25 жас аралығындағы жеке әншілер шақырылады. Қатысушылар конкурсқа Ш.Қалдаяқовтың әндерінен 2 ән дайындауы тиіс. Шығармалар «тірі» аккомпанемент немесе фонограмма (-1) негізінде орындалады. Фонограммалар МD (мини-диск) және CD (компакт диск) тасымалдағышында ұсынылады. 5. Фестиваль лауреаттары қорытынды Гала-концертте ақысыз өнер көрсетеді. 6. Фестиваль жеңімпаздарына төмен­де­гідей жүлделер тағайындалады: 1) Бас жүлде және лауреат атағы (ақ­шалай сыйлық); 2) бірінші жүлде және лауреат атағы (ақшалай сыйлық); 3) екінші жүлде және лауреат атағы (ақшалай сыйлық); 4) үшінші жүлде және лауреат атағы (ақшалай сыйлық). Жеңімпаздар басқа да номинациялар бойынша марапатталуы мүмкін. 7. Фестивальға қатысу үшін үміткерлер өтініш береді. Өтінішке қоса мынадай құжаттар ұсынылады: 1) тиісті мекеменің ұсынысы; 2) орындаушының шығармашылық өмір­баяны; 3) жеке куәліктің көшірмесі; 4) СТН (салық төлеушінің номері) көшірмесі; 5) 13 х 18 см көлемiндегi 2 дана түрлi-түстi фотосурет; 6) CD және мини-дискіге жазылған әндердің фонограммасы. Тапсырылған құжаттар қайтарылуға жатпайды. 8. Фестивальға қатысушылардың өті­ніш­тері фестивальдың басталуына 20 күн қалғанға дейін мына мекен-жайда қабыл­данады: 010000, Қазақстан, Астана қала­сы, Есіл ауданы, Түркістан көшесі 8 үй, «Олимп Палас» т/к, КЖ-18, 8 кіреберіс, блок «L», E-mail: info@ruhdk.kz, тел: 8(7172) 54-64-77, Web: http://ruhdk.kz.. 9. Фестивальға қатысушылар ұйым­дас­тыру комитетінің сараптауынан соң Фес­ти­вальға қатысу үшін шақырылатын бо­лады. Фестивальға қатысушылардың қа­ты­сушылар тізіміне кіргені туралы ресми хабар қажетті құжаттар толығымен тап­сырылғаннан соң сайысқа 10 күн қалғанға дейін хабарланады. 10. Фестивальға қатысушының барып-қайту жол шығындарын жолдама берген, ал олардың жатын орны мен тамақтануын Фестивальды өткізетін жақ көтереді. Фес­тивальға қатысушыға қоса ере келген адам­дардың барлық шығындары өз та­раптарынан өтеледі. 11. Келесі кезеңге өтпеген Фестивальға қатысушылар немесе Фестивальға қаты­судан бас тартқандар Фестивальдың аяғы­на дейін көрермен ретінде қалуға ниет білдірген жағдайда өз қаражаты есебінен күнелтеді. 12. Шетелдердің қатысушыларына бай­ла­нысты жұмсалатын барлық шығындар (қонақ үй, жолақы және тамақтану шы­ғындары) ұйымдастырушы жақ тарапынан өтелуі мүмкін. 4. Ұйымдастыру комитеті 13. Қазақстан Республикасының Мәде­ниет министрлігінің Мәдениет комитеті Фестивальды өткізу бойынша ұйымдас­ты­ру комитетінің құрамын бекітеді. 14. Ұйымдастыру комитеті мемлекеттік органдар мен Фестивальды өткізуге қа­ты­сушы мәдениет ұйымдары өкілдерінен құ­ралады. Ұйымдастыру комитетінің мүше­лері өз функцияларын қоғамдық бастамамен жүзеге асырады. 15. Ұйымдастыру комитеті Фестиваль­ды дайындау және өткізу бойынша бас­шы­лықты жүзеге асырады. 16. Ұйымдастыру комитеті Фестиваль қатысушыларына қосымша сыйақы тө­леу­сіз Фестивальдың тыңдаулары мен қоры­тынды концерттерін радио және теледидар арқылы тарату, дыбыс және бейне таспаға жазу және оны одан әрі тарату құқығына ие. Сондай-ақ, Ұйымдастыру комитеті басқа тараптармен Фестивальдың аталған ма­териалдарын жүзеге асыру жөніндегі ке­лісім-шартқа отыру құқығына ие. 17. Ұйымдастыру комитеті іс-шараның ақпараттық-жарнамалық қолдау түрлерін айқындайды. 18. Ұйымдастыру комитеті Фестиваль­ды дайындау және өткізу барысында ту­ын­дай­тын өзге де ұйымдастыру мәселе­ле­рін шешеді. 5. Фестивальдың қазылар алқасы 19. Фестиваль қатысушыларының өне­рін бағалау, сондай-ақ, қорытынды шы­ға­ру үшін қазылар алқасы құрылады. Қа­зы­лар алқасының құрамы мемлекеттік ор­ган­дардың өкілдерінен, мәдениет және өнердің көрнекті қайраткерлерінен құра­лады және Қазақстан Республикасының Мәдениет министрлігінің Мәдениет комитетімен бекітіледі. 20. Қазылар алқасының саны, төрағаны қосқанда, тақ сан болуы тиіс. 21. Қазылар алқасының шешімі түпкі­лікті және қайта қарауға жатпайды, хаттамамен ресімделеді және барлық қазылар алқасының мүшелері қол қояды. 22. Қазылар алқасы мүшелерінің дау­ыстары тең бөлінген жағдайда Төрағаның дауысы шешуші болып табылады. 23. Қазылар алқасы белгіленген жүл­де­лі орындарды бермеуге немесе үміткерлер арасында бөлуге (бас жүлдені қоспағанда) құқылы. 24. Қазылар алқасы Қазылар алқасының барлық мүшелері келіскен жағдайда бағ­дарламаны қысқарту және/немесе шығар­маларды орындауды тоқтату туралы шешімді қабылдауға құқылы. 25. Қазылар алқасы бағаларының критерийлері: 1) орындаушылық шеберлігі (орындау­шы­ның, аранжировканың дербестігі); 2) сапалық деңгейі; 3) сахна мәдениеті; 4) бағдарламаның Фестивальдың шарт­та­рына сәйкестігі. 5) сахна киімі. 6. Фестивальды қаржыландыру 26. Фестивальды дайындау мен өткізуді қаржыландыру республикалық бюджетпен көзделген қаражат шегінде жүзеге асыры­лады. 27. Фестивальды дайындау мен өткізу үшін демеушілердің және басқа да қосымша қаражат көздері жұмылдырылуы мүмкін. 28. Демеушілер Фестивальдың қатысу­шы­ларына заңда белгіленген тәртіппен өзі­нің ынталандыру сыйлықтары мен сый­ақыларын тағайындай алады. 7. Қорытынды ереже 29. Осы Шәмші Қалдаяқов атындағы Халықаралық «Менің Қазақстаным!» ән фестивалін дайындау және өткізудің қа­ғидасымен реттелмеген барлық мәселелер Қазақстан Республикасының қолданыс­та­ғы заңнамасына сәйкес шешіледі.