Қазақстанның басым бөлігінде атмосфералық ағымдардың өтуіне байланысты қар жауып, бұрқасын, көктайғақ болып, тұман түсіп, жел күшейеді, деп хабарлайды «Қазгидромет».
Ақмола, Солүстік Қазақстан, Павлодар облыстарында желдің екпіні секундына 15-20 метрге, кей жерлерде 23-28 метрге дейін жетеді.
Алматы облысында желдің жылдамдығы секундына 15-20 метр болады, Жалаңашкөл ауданында жел секундына 23-28 метр жылдамдықпен соғады. Түнде кей жерлерге тұман түседі.
Жамбыл, Оңтүстік Қазақстан облыстарының кей жерлерінде тұман түсіп, желдің екпіні секундына 15-23 метрге дейін жетеді.
Қызылорда, Маңғыстау облыстарының кей жерлерінде тұман түсіп, көктайғақ болады.
Атырау, Қарағанды облыстарында бұрқасын, көктайғақ болып, секундына 15-23 метр жылдамдықпен жел соғады.
Батыс Қазақстан, Ақтөбе облыстарының кей жерлерінде бұрқасын болып, желдің екпіні секундына 15-20 метрге жетеді.
Қостанай облысында бұрқасын, тұман болып, секундына 15-20 метр жылдамдықпен жел соғады.
Шығыс Қазақстан облысында да бұрқасын болып, желдің екпіні секундына 15-20 метрді құрайды.