Алғашқы есепті дүйсенбіде береді

Кеше Орталық сайлау комиссиясының төрағасы Қуандық Тұрғанқұлов ЕҚЫҰ Парламенттік Ассамблеясының Хорватия парламентінің депутаты Тонино Пицула бастап келген делегация мүшелерімен кездесті. ОСК басшысы делегация мү­ше­лерін Орталық сайлау комис­сия­сын президенттік сайлауды әзір­леу мен өткізу бойынша ат­қарып жатқан жұмыстарымен та­ныстырды. Сондай-ақ сайлау нау­қанының кейбір ерекшеліктерінен, сайлау комиссияларын қа­лыптастырудың заңмен белгіленген тәртібінен, президенттікке кан­дидаттардың сайлауалды үгіт жүргізу мәселелерінен хабардар етті. Олар тарапынан қойылған бір­қатар сұрақтарға жауаптар қайтарды. Тонино Пицула ОСК басшы­лы­ғына сайлауалды шараларға жасалған жан-жақты шолу мен көрсетілген әдістемелік көмектер үшін ризашылығын білдірді. ЕҚЫҰ-ның Парламенттік Ассам­блея­сы бүкіл ЕҚЫҰ кеңісті­гін­дегі сайлауларды байқауды мақ­сат тұтатынын атап өтті. «Делегация мүшелерінің басым көп­ші­лігінің сайлауларды байқауда ай­тарлықтай тәжірибелері бар, – деді делегация басшысы. – Қа­зақ­стандағы демократиялық үде­рістер біз үшін аса маңызды және кезектен тыс президенттік сай­лау­ды ұзақ мерзімді байқау бой­ын­ша алғашқы есепті біз дүй­сенбіде, 4 сәуір күні беретін бо­ламыз». – ЕҚЫҰ Парламенттік Ассам­блеясының өкілдері Қазақстан­да­ғы барлық электоралдық науқан­дарды байқауға қатысып келеді, – деді ОСК төрағасы кездесу со­ңында. – Берген бағалары әр­қа­шан объективті болды. Біз демо­кратиялық және ашық сайлауды қамтамасыз ету үшін үлкен жұмыс атқардық. Сондықтан бар­лығымыз да сайлауды бай­қаудың адал әрі әділ болуына мүдделіміз.