Бұрнағы күні президенттіктен үміткер Н.Ә.Назарбаевтың қалалық қоғамдық штабының ұйытқы болуымен осындағы оқушы-студент жастар арасында түрлі мазмұндағы саяси шаралар өткізілді. Айталық, Инновациялық заң және Шәкәрім атындағы Семей мемлекеттік университеттерінде «Өзіңді сайлаушы ретінде оят» деген тақырыппен жастардың флеш-моб жиыны өткізілді.
Ал басқа да орта арнаулы және жоғары оқу орындарындағы жиындар «Дауыс бер! Қысылма!», «Біз болмасақ, енді кім?», «Мен бірінші рет дауыс бергелі отырмын», «Менің бірінші дауысымды маңызды дауыс деп есептеймін» деген тақырыптарда өтті.
Сол жиындардың әрқайсысына екі жүзден екі мыңға дейін оқушы-студенттер қатысты. Солайша семейлік жастар кезекті биылғы сайлауға бір кісідей зор белсенділікпен қатысамыз деп отыр.
Дәулет СЕЙСЕНҰЛЫ.
Семей.