Теннистен Қазақстанның қыздар құрама командасы Федерация кубогының екінші әлемдік тобында плей-офф кезеңіне шықты. Жолдама үшін Жапония командасымен болған ойында біздің теннисші қыздарымыз үш матч бойынша 2:1 есебімен жеңіске жетті.
Бірінші ойында Галина Воскобоева жапон теннисшісі Наоми Осакадан 6:1, 2:6, 3:6 есебімен жеңіліп қалды. Жағдайды Юлия Путинцева түзеді. Ол қарсыласы Мисаки Доиды 7:6, 6:2 есебімен тізе бүктірді. Ал шешуші ойында Ярослава Шведова мен Галина Воскобоева жұбы қарсыластарынан 6:3, 7:6 есебімен басым түсті.
Еске салар болсақ, қазақстандық теннисші қыздар осымен екінші рет Федерация кубогінің плей-офф кезеңіне жолдама алып отыр.
Қайрат ӘБІЛДИНОВ, «Егемен Қазақстан»