2016 жылдың соңғы үш айында әлем бойынша 431 млн смартфон сатылды, деп хабарлады Business Insider. Басылымның айтуынша, бұл деректерді Gartner консалтингтік компаниясы ұсынған.
Сатылым бойынша бұл кезеңде Google операциялық жүйесінің базасы енгізілген смартфондар бірінші орынға шықты. Олар 2016 жылдың төртінші тоқсанында нарықтың 81,7 %-ын қамтыған. Бұл кезеңде осындай 352,7 млн гаджет сатылған.
Екінші орында iOS операциялық жүйесінің смартфондары тұр. Ол 77 млн бірлікпен нарықтың 17,9%-ын қамтып отыр.
Бір айта кетерлігі, бұл кезеңде BlackBerry сатылымы 0,0482%-ды құрапты.