Ақпан айының алғашқы жартысында аса ірі көлемде есірткі сақтау фактілерін анықтау және оның жолын кесуге бағытталған «Транзит» жедел-профилактикалық іс-шарасы ұйымдастырылды.
Есірткіге қарсы күрес департаментінің ұйытқы бо-луымен өткен операцияға полицияның 2 512 қызметкері қатыстырылып, шара аясында 142 есірткі қылмысы анықталған және 150 килограмм есірткі заттары тәркіленді.
Алға қойған мақсат-міндеттер толығымен орындалды деуге негіз бар. Себебі, 227 жедел-іздестіру тобының мамандары профилактикалық шара аясында 2 273 автокөлік пен 610 рейстік автобус, 178 жолаушылар пойызы, 24 әуе рейсін мұқият бақылаудан өткізген. Нәтижесінде, 142 есірткі қылмысы анықталған. Оның ішінде есірткі өткізудің – 94, аса ірі көлемде сақтаудың – 40 және контрабандалық әрекеттің 8 фактісі тіркеліп, заңсыз айналымнан 150 килограмм есірткі құралдары алынған.
Нұрлыбек ДОСЫБАЙ,
«Егемен Қазақстан»