Жапонияның Саппоро қаласында өтіп жатқан VIII қысқы Азия ойындарының осымен бесінші күні аяқталды.
Бес күннің қорытындысы бойынша 45 жүлдесі (14 алтын, 15 күміс, 16 қола) бар Жапония бірінші орынға шықса, Оңтүстік Корея 35 жүлдесімен (14 алтын, 12 күміс, 9 қола) екінші орынға қайта сырғыды. Үштікке Қытай спортшылары енді. Олар бес күнде 6 алтын, 6 күміс және 6 қола жеңіп алды.
Ал Қазақстан құрамасы 12 медальмен (3 алтын, 4 күміс, 5 қола) командалық есепте төртінші орнын сақтап қалды.
Бүгін Қазақстан құрамасының қоржынына бес жүлде түсті. Биатлоншыларымыз Галина Вишневская мен Ян Савицкий алтын алса, Василий Подкорытов пен Елена Коломина күміске, ал Алина Райкова қола жүлдеге ие болды.