Калифорнияның Риверсайд қаласында тұрғын үйлердің үстіне ұшақ құлады. Алдын ала мәліметтер бойынша ең кемінде 4 адам қаза тапқан, деп жазады ВВС. Басылымның хабарлауынша, әуежайдан ұшқан ұшақ Сан-Хосе қаласына беттеген.
Ұшақ екі тұрғын үйдің үстіне құлап, өрт шыққан. Риверсайд Өрт сөндіру департаментінің басшысы Майкл мурдың айтуынша, Cessna 310 ұшағында 5 адамнан тұратын бір отбасы болған.
Құтқарушылар зардап шеккендер туралы толық ақпарат берген жоқ. Полиция апаттың неден болғанын анықтауда.