WBA (Super), IBO, WBC және IBF тұжырымдары бойынша орта салмақта әлем чемпионы қазақстандық Геннадий Головкин (36-0, 33 КО) WBA (Regular) белбеуінің иегері америкалық Дэниэл Джейкобспен (32-1, 29 КО) жекпе-жегіне дайындалу барысында кімдермен спарринг өткізіп жүргенін көрсетті.
Спарринг қарсыластарының қатарында Джулиус Джексон, Пол Мендес, Киандре және осыған дейін жеңіліп көрмеген америкалық Давид Бенавидес Лезервуд секілді боксшылар бар.
Осыған дейін Головкиннің бапкері Абель Санчес қазақстандық боксшы үшін әрбір жекпе-жегінің алдында бір боксшыларды спарринг қарсылас етіп таңдайтынын айқан еді.
Айта кетейік, қос боксшының арасындағы жекпе-жек 18 наурыз күні АҚШ-тың Нью-Йорк қаласындағы Madison Square Garden аренасында өтеді.