Жолдау басымдықтары дұрыс таңдалған
Қазақстан Президенті Нұрсұлтан Назарбаевтың «Қазақстанның Үшінші жаңғыруы: жаһандық бәсекеге қабілеттілік» атты Жолдауында көп мәселелердің заманауи бағытта дамуына жөн сілтейтін бағыт-бағдарлар нақты айтылған.
Жолдауда: «Бірінші басымдық – экономиканың жеделдетілген технологиялық жаңғыртылуы. Біз цифрлық технологияны қолдану арқылы құрылатын жаңа индустрияларды өркендетуге тиіспіз. Бұл – маңызды кешенді міндет», деп атап көрсетілген. Осыған орай, Президент ел Үкіметіне «Цифрлы Қазақстан» жеке бағдарламасын әзірлеуді және оны қабылдауды тапсырды.
Ендеше, бүгінгі Қазақстан «Цифрлы Қазақстанға» көшуі үшін елде IT технологияны қарқынды дамытуы қажет. Ал енді осы міндетті жүзеге асыруды діттеген ауқымды жобалар мен маңызды шаралардың Қазақстанда жиі ұйымдастырылып тұратынынан және оған жастар қауымы белсенді қатысып жататынынан хабардармын. Демек, бұл бағытта елді үлкен табыстар күтіп тұр.
Сонымен қатар, Президенттің өзі басым бағыт ретінде цифрлы жүйеге ден қоюы зейінді де зерек жастардың ғылыми жұмыстармен айналысуына тың серпін береді.
Тофик АББАСОВ,
Баку Халықаралық мультикультурализм орталығының кеңесшісі (Әзербайжан)