Алматыда Шығыс Қазақстан облысында апатқа ұшыраған ұшақтың пилоты Петр Устиновты жерлеу рәсімі өтті, - деп хабарлайды Tengrinews.kz. Жерлеу рәсімі сағат 11.00-де қаза тапқан пилоттың үйінің алдында өтті. Петр Устиновты соңғы сапарға шығарып салуға оның туыстары, жақын достары, таныстары, сондай-ақ, бірге қызмет еткен әріптестері келді. Жалпы 100-ден аса адам келді, олардың қатарында ҰҚК Шекара қызметінің әскери оркестрі бар.
"Ол Шекара қызметіне қатардағы сарбаз болып келіп, авиациялық базамыздың ұшу бөлімінің басшысына дейін көтерілген еді. Өкінішке қарай, жастар да кетіп жатады. Әрине, дүниеден ерте озды", - деді ҚР ҰҚК Шекара қызметі ардагерлер кеңесінің төрағасы полковник Брович.
Естеріңізге сала кетсек, Пилот Петр Устинов 25 ақпанда ШҚО-да тікұшақ апатынан қаза тапқан еді.