Мемлекет басшысы Нұрсұлтан Назарбаев Беларусь Республикасының Президенті Александр Лукашенкоға Минскідегі «Октябрьская» метросы стансасындағы жарылыс салдарынан адамдардың қаза табуына байланысты көңіл айту жеделхатын жолдады, деп хабарлады Қазақстан Республикасы Президентінің баспасөз қызметі.
«Қазақстанда Минскідегі «Октябрьская» метросы стансасындағы жарылыс салдарынан адамдардың қаза болғаны туралы хабарды терең күйзеліспен қабылдады.
Қазақстанның көпұлтты халқының және жеке өзімнің атымнан қаза болғандардың отбасыларына, туған-туыстарына қайғырып көңіл айтамын. Барлық зардап шеккендерге қолдау сөзімді жеткізуді өтінемін», делінген көңіл айту жеделхатында.