Алматы облысында жеке тұрғын үй құрылысы үшін мың гектардан аса жер бөлінеді.
Бұл жерде алдағы екі жыл ішінде 5 жарым мың коттедж бой көтереді. Бұл үйлердің барлығын бір құрылыс компаниясы біртекті сәулет жобасымен салады, деп жазады abctv.kz.
Құрылысы «Нұрлы жер» бағдарламасы аясында жүзеге асатын тұрғын үйлер кезекте тұрған адамдарға жеңілдетілген шартпен беріледі. Аталған бағдарлама бойынша жалпы облыс аумағында алдағы 15 жыл ішінде жеке тұрғын үй құрылысы үшін 97 мың жер учаскесін бөлу көзделген.
«Үй құрылысында 70, 100 және 130 шаршы мертлік жобалар бар. Әрбір үй сатып алушы өз мүмкіндігі мен қаржылық жағдайына қарай көсіледі», – деді облыстық сәулет және қала құрылысы басқармасының басшысы Дәркен Нұржанов.