Кеше Үкімет үйінде Премьер-Министр Бақытжан Сағынтаевтың төрағалығымен Үкімет жанындағы жоғары ғылыми-техникалық комиссияның (ЖҒТК) кезекті отырысы өтті, деп хабарлады Премьер-Министрдің баспасөз қызметі.
Мемлекет басшысының «Қазақстанның Үшінші жаңғыруы: жаһандық бәсекеге қабілеттілік» атты Қазақстан халқына Жолдауын іске асыру аясында өткен отырыс барысында 2017-2020 жылдарға арналған ғылымды дамытудың басым бағыттары талқыланды, сонымен қатар, аграрлық ғылым саласындағы ғылыми-техникалық әзірлемелерді іске асыру және индустриялық-инновациялық қызмет саласындағы жобаларды коммерцияландыруға грант беру мәселелері қаралды.