Ел іші – еңбек кеніші

Астаналық облыста 5,1 млн гектар дән егіледі

Қазіргі таңда Ақмола облысында жұмыс істеп тұрған 6 май өңдейтін зауыттың жүкте­ме­лігі  30 пайыз, ал құрамажем зауыт­­­тарының жүк­те­мелігі 56 па-

йыз­ды құрап отыр. Бұл зауыттардың жүк­темелігін одан әрі арттыру мақ­са­тында 2021 жылға қа­рай майлы да­қылдар алқабын 380 мың гек­тар­ға, мал азығы да­қыл­да­рын 490 мың гектарға және арпаны 670 мың гектарға артты­ру жос­пар­ла­ну­да. Ал бидай алқабын  680 мың гек­­тарға қысқарту көзделуде. Жал­пы би­ыл Ақмола облысында ауыл ­ша­­­ру­а­шылығы дақылдарын 5,1 млн гек­тар а­умаққа егу жоспарлап отыр.

Көктемгі егіс жұмыстарына дай­ындық барысымен танысқан ми­нистр ағымдағы жылы көктемгі егіс­тік жұмыстарын жүргізу үшін бюджеттен бөлінетін несиенің пайыздық мөлшерлемесі тө­мен­де­г­енін айтты. Яғни, тұты­ну­шы үшін мөлшерлеме 5-6 пайызды құрады.

Сапар барысында Асқар Мыр­зах­метов аудан әкімдері мен ау­ыл ­­шаруашылығы тауар өн­ді­ру­ші-

л­ерімен арнайы жиналыс өткізді. Жи­ында ауыл шаруашылығы ко­о­перативтерін дамыту мен аймақта тұрғындар үшін жеке қосалқы шаруашылық әлеуетін пайдалану арқылы өнім өндіруді ұлғайту мә­селелері сөз болды. Ақмола об­лы­­сында осы жылы сүт пен ет өнім­дерінің жүктемелігін арттыратын 32 кооператив құру жоспарлануда. Қазіргі таңда 14 кооператив құ­рыл­ды.

Ертіс өңірінде 70 кооператив құрылды

Үкімет басшысының орынбасары – Ауыл шаруашылығы министрі Асқар Мырзахметовтің Павлодар облысына сапары аудан әкімдері мен аймақтың  ау­ыл­ шаруашылығы тауар өнді­ру­ші­лерімен кездесуінен бас­тал­ды. Жиналыста ауыл шаруа­шы­лы­ғы кооперативтеріне бірігудің ма­ңыздылығы, ауыл халқын жұмыс­пен қамту, егістік жерлердің құры­лы­­мын әртараптандыру, көктемгі егіс­­тік жұмыстарының барысы жә­не суа­рмалы жерлердің көлемін арт­­ты­ру мәселелері талқыланды.

«Мемлекеттік бағдарлама к­е­лі­сілді, қаржыландыру толық кө­ле­м­­­де бөлінді, мемлекет тарапынан бар­лық жағдай жасалды. Ен­дігі әкім­діктердің міндеттері – мемлекет­тік бағдарламаның іске асы­­­рылуы­на және фермерлерді ауыл ша­руа­шы­лығы кооперативтеріне бі­рік­тіруге ын­та­ландыру жұмыс­та­рын қар­қынды жүр­гізу», – деді жиында А. Мырзах­метов.

Бүгінгі таңда Ертіс өңірінде 70 кооператив құрылған. Оның ішінде 48 кооператив былтырғы жылы құ­рыл­­ған болса, осы жылы тағы да 8 кооперативтің іргесі қаланады деп жос­парлануда.

Жұмыс сапары барысында Ас­қар Мырзахметов Павлодар қа­ла­­сын­дағы сүт зауытының жұ­мы­сы­мен та­нысты. Аймақтағы сүт өң­дейтін кәсіп­орындардың жүк­те­мелігі – 55 пайызды, ал ет өңдейтін кә­­сіпорын­дардың жүктемелігі 68 пай­ызды құрайды.

Ырысалды ШӘМШИЕВА,

журналист,

Фарида БЫҚАЙ,

«Егемен Қазақстан»