Кеше Днепропетровск қаласында (Украина) ҰҚК төрағасы Нұртай Әбіқаев басқарған Қазақстан ҰҚК делегациясы ТМД-ға мүше мемлекеттер қауіпсіздік органдары және арнайы қызметтер басшылары кеңесінің 30-шы мәжілісінің жұмысына қатысты.
Достастық арнайы қызметтері басшылары өңірлік қауіпсіздіктің өзекті мәселелерінің кең спектрін, соның ішінде терроризм мен экстремизмге қарсы әрекет ету мәселелерін талқылады, сондай-ақ өзара әрекеттестіктің басқа да бағыттары бойынша бірқатар шешім қабылдады. Сондай-ақ, мәжіліске қатысушылар қорытынды құжатқа қол қойды, деп хабарлады ҰҚК баспасөз қызметі.